Hamiləlik dövründə ginekoloji nəzarət

Hamiləlik dövrü qadının həyatında həm sevinc, həm də məsuliyyətlə dolu bir mərhələdir. Bu dövrdə ana orqanizmində çoxsaylı fizioloji dəyişikliklər baş verir. Bu dəyişikliklərin normal gedişini təmin etmək və risk faktorlarını vaxtında müəyyənləşdirmək üçün ginekoloji nəzarət zəruridir.

Müntəzəm ginekoloji müayinələr, ultrasəs nəzarəti və laborator analizlər hamilə qadının və dölün sağlam inkişafını izləmək üçün əsas vasitələrdir. İlk trimestrdə aparılan müayinələr dölün sağlam inkişafını təsdiqləyir, genetik anomaliyaların erkən aşkarlanmasına imkan yaradır. İkinci və üçüncü trimestrlərdə isə dölün çəkisi, inkişafı, dölyanı mayenin miqdarı, həmçinin plasentanın vəziyyəti mütəmadi olaraq izlənilir.

“Hamiləlik dövründə müntəzəm ginekoloji müayinələr və laborator analizlər ana və döl sağlamlığının qorunmasında əvəzsiz rol oynayır.”

Dr.Fatimə Hacıyeva

Hamiləlik dövründə rast gəlinən risklər – yüksək qan təzyiqi, şəkərli diabet, vaxtından əvvəl doğuş təhlükəsi – ginekoloqun daimi nəzarəti altında erkən aşkar edilə bilər. Belə hallarda vaxtında müdaxilə həm ananı, həm də körpəni təhlükədən qoruyur.

Həmçinin, hamilə qadının düzgün qidalanması, vitamin qəbul etməsi, gündəlik həyat tərzi barədə ginekoloqun verdiyi məsləhətlər sağlam hamiləliyin əsasını təşkil edir. Yaxşı nəzarət olunmuş hamiləlik sağlam doğuşla nəticələnir və həm ana, həm də uşaq üçün gələcəkdə ciddi fəsadların qarşısını alır.